Shkencëtarë e kësaj agjencie më prestigjioze në botë pohojnë se nuk do të ketë asgjë nga asnjë skenar që është përmendur për fundin e botës. As kalendari i civilizimit të majave nuk parasheh apokalipsin, e as planeti i ashtuquajtur Nibiru apo Planeti X nuk do të ndeshet me Tokën, siç pohon Nancy Leeder, e cila pohon se është eksperte e atij planeti të panjohur dhe se komunikon me jashtëtokësorët. Ekzistimi i këtij planeti as që është dëshmuar.
NASA hedh poshtë edhe mundësinë e barazimit të orbitave të planetëve apo yjeve, sikundër edhe ndikimin e papërmbajtshëm të stuhive diellore në shkatërrimin e planetit tonë. Një prej teorive që janë në qarkullim është edhe ajo për ndryshimin e plotë të poleve të Tokës, por as kjo sipas NASA-s nuk ka gjasa të ndodhë. Hidhet poshtë gjithashtu edhe mundësia e përplasjes së Tokës me ndonjë komet apo asteroid të madh, sikundër ka ndodhur para 65 milion vjetëve e që ka shkaktuar zhdukjen e dinozaurëve. Astronomët ndjekim me vëmendje lëvizjet e trupave të ndryshëm qiellorë dhe sipas të gjithë treguesve nuk ka asnjë rrezik serioz që kjo të ndodhë në vitin 2012, pohojnë ekspertët e NASA-s.
